30 C
Phnom Penh
ថ្ងៃ​ចន្ទ, ខែ​មិថុនា 27, 2022
spot_img

កិច្ចសន្ទនារវាងអ្នកររៀបចំគោលនយោបាយ និងបណ្ដាញអង្គការតំណាងជនមានពិការភាព ស្ដីពី« តួនាទីរបស់អង្គការដំណាងនិងការចូលរួមចំណែកដល់ការអនុវត្តកម្មវិធីកិច្ចគាំពារសង្គម»

(ភ្នំពេញ)៖ នៅថ្ងៃអង្គារ ទី៧រោច ខែភទ្របទ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២៨ ខែកញ្ញា ២០២១ អង្គការជនពិការកម្ពុជា ដែលមានការសម្របសម្រួល គាំទ្រដោយកម្មវិធី ACCESS បានរៀបចំ កិច្ចសន្ទនារវាងអ្នកររៀបចំគោលនយោបាយ និងបណ្ដាញអង្គការតំណាងជនមានពិការភាព ស្ដីពី« តួនាទីរបស់អង្គការដំណាងនិងការចូលរួមចំណែកដល់ការអនុវត្តកម្មវិធីកិច្ចគាំពារសង្គម» តាមរយៈកម្មវិធី Zoom។

ក្នុងគោលបំណង
១. រាយការណ៍ពីកត្តាប្រឈមនិងកត្តាសម្របសម្រួលទាក់ទងនឹងលទ្ធភាពជនមានពិការភាពក្នុងការទទួល
បានការគាំទ្រ ផ្នែកកិច្ចគាំពារសង្គម ដែលទទួលបានពីកិច្ចប្រជុំបណ្តាញអង្គការតំណាងជនពិការ ដោយផ្តោតជាពិសេសលើការទទួលបាន៖
– ការឧបត្ថម្ភរបបគោលនយោបាយជនមានពិការភាពក្រីក្រតាមសហគមន៍
– ការទទួលបានប័ណ្ណសមធម៌/ក្រីក្រ និងប័ណ្ណសម្គាល់ជនមានពិការភាព
– ការទទួលបានការឧបត្ថម្ភតាមរយៈកម្មវិធីផ្ទេរសាច់ប្រាក់ក្នុងកំឡុងពេល កូវីដ-១៩ រួមទាំងការគាំទ្រទាក់ទងនឹងគ្រោះទឹកជំនន់
២. តួនាទីរបស់អង្គការតំណាងក្នុងការចូលរួមជាមួយរាជរដ្ឋាភិបាល និងដៃគូពាក់ព័ន្ធ ទាក់ទងនឹងកម្មវិធីគាំពារសង្គម និងបទអន្តរាគមន៍ផ្សេងទៀត រួមទាំងការងារទាក់ទងនឹងជំងឺកូវីដ -១៩ និងគ្រោះមហន្តរាយដោយទឹកជំនន់
៣. ទទួលនូវការណែនាំនិងអនុសាសន៍ពីថ្នាក់ដឹកនាំ/អ្នករៀបចំគោលនយោបាយសម្រាប់ការគាំទ្រដល់ជនមានពិការភាព នាពេលខាងមុខ។ដែលមានអ្នកចូលរួមពីតំណាងអង្គការតំណាងជនមានពិការភាព និងវេទិកាស្រី្តមានពិការភាព តំណាងស្ថាប័នរដ្ឋាភិបាល និងអង្គការដៃគូអភិវឌ្ឍផ្សេងទៀត សរុបប្រមាណ៩០នាក់ ។

សិក្ខាសិលានេះអញ្ចើញចូលរួមជាអណៈធិបតី ឯកឧត្តម សំហេង បុរស រដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទានិងជាប្រធានអនុគណៈកម្មការជំនួសង្គម តំណាងដ៏ខ្ពង់ខ្ពស់ឯកឧត្តមរដ្ឋមន្រ្តី ឯកឧត្តម បានមានប្រសាសន៍ដ៏មានសារៈសំខាន់ និងការប្តេជ្ញាចិត្តរបស់រដ្ឋាភិបាលកម្ពុជាក្នុងការជម្រុញគិតគូដល់វិស័យពិការភាព និង ការធ្វើអោយកិច្ចគាំពារសង្គមមានបរិយាបន្ន។ ហើយជាងនេះទៅទៀត ក៏មានតំណាងស្ថានទូតអូស្ត្រាលីប្រចាំកម្ពុជា គឺលោកស្រី Sarah Wadley លេខាទី១ នៃស្ថានទូតអូស្ត្រាលីប្រចាំកម្ពុជា បានមានមតិស្វាគមន៍ និងការប្តេជ្ញាចិត្តរបស់រដ្ឋាភិបាលអូ ស្ត្រាលីក្នុងការបន្តកិច្ច សហប្រតិបត្តិការ ក្នុងការជម្រុញគាំទ្រវិស័យពិការភាព និង ការធ្វើអោយកិច្ចគាំពារសង្គមមានបរិយាបន្ន។ ក្នុងនោះផងដែរ លោកស្រី ម៉ាក់ ម៉ូនីកា នាយិកាអង្គការជនពិការកម្ពុជា ក៏បានមានមតិស្វាគមន៍ដ៏មានសារៈសំខាន់ និងជាតំណាងអោយសម្លេងអង្គការតំណាង ទូទាំងប្រទេសផងដែរ។

អត្ថបទទាក់ទង

បណ្ដាញសង្គម

0FansLike
3,367FollowersFollow
0SubscribersSubscribe

អត្ថបទគួរអាន